Datganiad hygyrchedd ar gyfer Gwerthu cerbyd y tu allan i’r fasnach modur

Mae’r datganiad hygyrchedd hwn yn berthnasol i’r gwasanaeth i hysbysu am werthu cerbyd y tu allan i’r fasnach modur

Rheolir y wefan hon gan DVLA. Rydym am i gymaint o bobl â phosibl allu defnyddio’r wefan hon. Er enghraifft, dylech chi allu:

  • newid lliwiau, lefelau cyferbynnedd a ffontiau gan ddefnyddio gosodiadau porwr neu ddyfais
  • chwyddo hyd at 400% heb i’r testun gael ei wthio oddi ar ymyl y sgrîn
  • llywio’r rhan fwyaf o’r wefan gan ddefnyddio bysellfwrdd neu feddalwedd adnabod llais
  • gwrando ar y rhan fwyaf o’r wefan gan ddefnyddio darllenydd sgrîn (gan gynnwys y fersiynau diweddaraf o JAWS, NVDA a VoiceOver)

Rydym hefyd wedi gwneud testun y wefan mor syml â phosibl i’w ddeall.

Mae gan AbilityNet gyngor ar wneud eich dyfais yn haws ei defnyddio os oes gennych anabledd.

Adborth a gwybodaeth gyswllt

Os byddwch yn dod o hyd i unrhyw broblemau nad ydynt wedi’u rhestru ar y dudalen hon neu’n credu nad ydym yn bodloni’r gofynion hygyrchedd, cysylltwch â: vehicleservices@dvla.gov.uk

Os oes angen gwybodaeth am y wefan hon mewn fformat gwahanol megis PDF hygyrch, print mawr, hawdd i’w ddarllen, recordio sain neu braille, e-bostiwch ein tîm Cyfathrebu Allanol a byddwn yn gweld a allwn helpu, neu cysylltwch â’n Canolfan Gyswllt drwy:

Byddwn yn ystyried eich cais ac yn cysylltu â chi mewn 3 diwrnod.

Gweithdrefn orfodi

Mae’r Comisiwn Cydraddoldeb a Hawliau Dynol (EHRC) yn gyfrifol am orfodi Rheoliadau Hygyrchedd Cyrff y Sector Cyhoeddus (Gwefannau a Chymwysiadau Symudol) (Rhif 2) 2018 (y ‘rheoliadau hygyrchedd’). Os nad ydych yn hapus â’r ffordd rydym yn ymateb i’ch cwyn, cysylltwch â’r Gwasanaeth Cynghori a Chymorth Cydraddoldeb (EASS).

Gwybodaeth dechnegol am hygyrchedd y wefan hon

Mae DVLA wedi ymrwymo i wneud ei gwefan yn hygyrch, yn unol â Rheoliadau Hygyrchedd Cyrff Sector Cyhoeddus (Gwefannau a Chymwysiadau Symudol) (Rhif 2) 2018.

Statws cydymffurfio

Mae’r wefan hon wedi cael ei phrofi yn erbyn safon AA Canllawiau Hygyrchedd Cynnwys Gwe (WCAG) 2.2.

Mae’r wefan hon yn cydymffurfio’n llawn â safon AA Canllawiau Hygyrchedd Cynnwys Gwe fersiwn 2.2.

Cynnwys nad yw o fewn cwmpas y rheoliadau hygyrchedd

WCAG Lefel AAA Blaenoriaeth Isel

1.4.6 Cyferbynnedd (Uwch) (Lefel AAA)

Mae dolen o fewn yr adran beta yn methu â bodloni’r gofynion cyferbynnedd gwell.

3.2.5 Newid ar Gais (Lefel AAA)

Mae’r ddolen ‘Adborth’ yn yr adran beta yn agor mewn tab newydd heb rybudd ymlaen llaw.

Paratoi’r datganiad hygyrchedd hwn

Paratowyd y datganiad hwn ar 3 Rhagfyr 2025. Cafodd ei adolygu ddiwethaf ar 8 Mai 2026.

Cafodd y wefan hon ei phrofi ddiwethaf ar 30 Ebrill 2026 yn erbyn y safon AA WCAG 2.2. Cynhaliwyd y prawf gan y Digital Accessibility Centre Limited.